ස්වභා  සුර

නීල අඹරේ ප්‍රභා කැන්

මිහිමඬලට ආවඩා

සීත දිය ඇලි

කඳු ශිඛර මැද

තැනිතලා බිම් නැති ද මේ ලොව

සොඳුරු වනපෙත

අසිරි දැක ඇත

පහස දේ වී ලොවට  නිකැලැල් ලෙස

සීත දිය මත

ගලාගෙන යන

රටා මවනා

සොඳුරු දසුනෙත

පිනව පිනවා මාගේ සිත් තුළ

විහඟ ගුම් නද කුංචනාදය

රැඟුම් රඟනා මොණර පිල් මැද

අපූරුයි එය සසල කරවයි

සුරඟනන් දුටු  කුසුම් දද ලෙස

උදා වන හිරු රශ්මියෙන්

උණුසුමක් දී සැම දිනා

මෝදූ වන සඳ සිසිලසක් දී

ගිමන නිමවයී රෑ පුරා

දැඩි නියඟ මැද මිලීන ව ගිය

වනස්පතියන් ඇහැරෙනා

මහා වර්ෂා ඇද හැලෙයී මේ පිං බිමට

නව පනක් දී සතොසිනා...

පද නිර්මාණය- එම්.එල්. මුදිති මේනකා