වට්ටුරැගසි
මුවින් පිටවෙන
දුම් කවුළුවලින්,
මවයී මා හිතේ
ඇති මතක රටාවන්,
අදීන හුස්ම ඉහලට
ඉකියක් නොවන වග,
නොතේරෙන්නේ මන්ද
පිට කරන වේදනාවන්
හුදකලා වූ මේ හිතට
තනිය මකන උඹ
සාහසික අපරාධකරුවෙකි.
මේ ලොවට
කෙටි කරන මේ ජීවිතය
තවත් වරෙක පිළිකාවකී
මිනිසුන්ට වින කරන
හේතු අහේතු මධ්යයේ
අදටත්
හිස් නැත මාගේ
පොකට්ටුවේ
උඹ තවමත්
රැඳී ඉන්නා
පාප
මේ මට.
පද
නිර්මාණය - මුදිති මේනකා
අතරමං
වූ ජීවිතය
හොයන හොයන විට
ජීවිතය
ලැබුනේ මගදී නැවතුන
පිළිතුරක්
හරී හැටී නොදැන හිටීයත්
අහුවුනේ මමමයී නැවතත්
ආදරය
නම් වූ දෙව්ලොව
සිරගෙයක් බව වැටහුණත්
දැන දැන ම එයට පියනගන්නේ
මට ම වැදුන එය සාපයක්
කෙසේ මිදෙන්න ද
සොය සොයා ගිය මග
නැවත හමු වුණා
පිළිතුරක්
එය නම් කාටත් පොදු ධර්මයක්
සියලු දේ අනිත්යක්
බව සැලවෙන එය
ලොවක් අදහන ආගමක්
පද නිර්මාණය - මුදිති මේනකා
ආ දරය
වචන සතරකී
බැදීම් ගොන්නකී
විටෙක සතුටකී
තවත් විටෙක
මහා දුක් කන්දරාවකී
මියෙන නොමියෙන
දහසක් හදවත් තුල
නැගෙන බැස යන
මතකයන් පමණක් ම ඉතිරි වන
මෙය නම් මහා
ප්රහේලිකාවකී
සතුට වේදනාව කැප කිරීම නම්
උතුම් ආදරය වේ යැයී
ජීවිත ගණනින් බිලි දීම නම්
උතුම් ආදරය වේ යැයී
තවත් අයෙකුට පරිත්යාග කිරිම නම්
උතුම් ආදරය වේ යැයී
සියල්ල ඉවසා සිටීම නම්
උතුම් ආදරය වේ යැයී
පතිවත පිදීම නම්
උතුම් ආදරය වේ යැයී
නිමක් නොවනා
අර්ථයන් තුල ගිලිහි
තැවී තැවී
තවත් කුමට ද
පටු අරමුණකට
සිත් වසන් කොට
කාම ගින්නකට
සැගව ඇවිළී යන
ආ දරය මට නම්
දිරා ගිය දර කැබැල්ලකී
අවසන අළු වී
වියැකී යන
පද නිර්මාණය - මුදිති මේනකා
ජීවිතය
ජීවිතය
ඔබ හරී අපූරුයී
විඳින
ජීවිත
විඳවන
විඳවන
ජීවිත විඳින
හඬන
හිනැහෙන
වැලපෙන
ඉකි ගසන
ශාපයන්
දෝංකාර දෙන
වියරුවෙන්
කෑ ගසන
ගැහැණු
පිරිමින්
දෙකොටසක්
මේ
පෘථිවි තලය මත
ගැටෙමින්
වැටෙමින්
ජීවිතය
ගැට
ගහගන්නා අතර
නටමින්
ගයමින්
විනෝද
වෙමින්
සතුටු
සාමිචියේ
කල්
ගෙවන්නන් අතර
සුළු
මොහොතකට
නග්න
ව වතපුරා නොනිමි
සතුටක්
සොයන්නන් අතර
තනිකමට
පෙම් කරන
ලොව
තනි වූවන් අතර
මේ
ගලා යන
ජීවිතය
කෙදින
නම් වටහාගත
හැකි
වේ ද????
ඔබේ
මේ මායාව
ලොව
සැමදෙන මුලා කෙරෙන
ගුප්තභාවයකී
මට නම්.....
පද
නිර්මාණය- මුදිති මේනකා
ආසයී ‘’අපිත්’’ නිදහසේ ඉගෙන ගන්න....
කොරෝනා නුඹ
නිසා අපි දැන් ඉගෙන ගන්නේ
Online
වලින්
Data
යන්නෙත්
නෑ එච්චරට ම ලෙක්චර් තියෙනවා
හිතු හිතු වෙලේ
Msg
එකකින් ලෙක්චර් තියෙනවා
කිව්ව ම ඒ කොයිවෙලෙත්
කොතැන හිටියත්
ලෙක්චර් යා යුතුයී
නැති නම් අපට ම
විණ කෙටේ
ගෙදර ඉඳලා
ලෙක්චර් එන්න
බැරි ළමයී පිරිසකි
උඹලා නම්
ලෙක්චර් බැන්න ම
අපටත් කට උත්තර නැතේ
ගෙදර ඇත්තේ
මුඩුක්කුවකයි
අම්මා තාත්තා
අක්කා අයියා
නංඟි මල්ලි එහි ඇත
එක ම කාමරයයී තියෙන්නේ
ඒකේ පිරිසත් බොහෝ ඇත
යන්න වෙනත් තැනක් ඇත්නම්
අහෝ!! කියා
සිතූ හැම වෙලේ
අසරණයි මං අසරණයී
තනිවෙලා යැයි
මට හැඟේ
ලෙක්චර් කොයි මොහොතක තිබ්බත්
යන්නට බැරිකමක් නෑ
ලෙක්චර් තියෙනා සෑම වේලේම
ගෙදර ඝෝෂාවල අඩුවක් ද නෑ
ලයිට් දාන්න, ලයිට් නිවන්න,
මල්ලිටත් දැන් ක්ලාස් තියෙනවා
අඩු කරගනින් ඔය වදේ
ටීවි එකත් දාගෙන හිනා වෙවී
හයියෙන් අනේ
ගෙදර උන්දලා හරි ම සතුටින්
මම විතරක් තනි වී ඇතේ
කොරෝනා තවත් බෑ මට
ඉන්නට නම් මේ අපායේ
නිදහසේ හරි එක ම දවසක්
කැම්පස් යන්න තිබුනොත්
ඒ හොදට ම ඇතී....
පද නිර්මාණය - මුදිති මේනකා
නීල අඹරේ ප්රභා කැන්
මිහිමඬලට ආවඩා
සීත දිය ඇලි
කඳු ශිඛර මැද
තැනිතලා බිම් නැති ද මේ ලොව
සොඳුරු වනපෙත
අසිරි දැක ඇත
පහස දේ වී ලොවට නිකැලැල් ලෙස
සීත දිය මත
ගලාගෙන යන
රටා මවනා
සොඳුරු දසුනෙත
පිනව පිනවා මාගේ සිත් තුළ
විහඟ ගුම් නද කුංචනාදය
රැඟුම් රඟනා මොණර පිල් මැද
අපූරුයි එය සසල කරවයි
සුරඟනන් දුටු කුසුම් දද ලෙස
උදා වන හිරු රශ්මියෙන්
උණුසුමක් දී සැම දිනා
මෝදූ වන සඳ සිසිලසක් දී
ගිමන නිමවයී රෑ පුරා
දැඩි නියඟ මැද මිලීන ව ගිය
වනස්පතියන් ඇහැරෙනා
මහා වර්ෂා ඇද හැලෙයී මේ පිං බිමට
නව පනක් දී සතොසිනා...
පද නිර්මාණය- එම්.එල්. මුදිති මේනකා
පොඩිනා
මේ නම දැකපු ගමන්
ඕනිම කෙනෙක් ට මතක මස්ඉඹුලයන්ගේ සෙංකොට්ටන් නව කතාව. එම නව කතාවේ එන
මේ පොඩිනා කාන්තාවක් ලෙස උපතින් ම අගෞරවයට භාජනය වූ තැනැත්තියක්. ඇය රොඩී කුලයේ කාන්තාවක් අතීතයේ
පැවති කුලභේදය බොහෝ සමාජ සංකීර්ණතා ඇති කළහ .ඒ හේතුවෙන් පහත් කුලවල ජනයා එයින්
මහත් පීඩනයට ලක් විය. ඔවුන්ට සමාජය හා ගැටීම ඉතා අපහසු කාර්යයක් විය. තමන්ට පිනක්
රැස් කිරීමට පවා සමාජයෙන් ඉඩක් නොලැබුනේ ඔවුන්ට උරුම වූ කුලය හේතුවෙන් ය .එය
කෙතරම් ඛේදවාචකයක් ද ඊටත් එහා ගිය ඛේදවාචකයකට මේ පොඩිනා මුහුන දෙන්නේය. ඒ පිළිබද
විමසීමකි මේ
පොඩිනා බැලූ
බැල්මට කාගෙත් සිත් වසගයට ගන්නා රූපයක් හිමි කාන්තාවකි. තම මවගෙන් පියාගෙන් හිමි
වූ රාජකාරී ඉටු කිරීමට පොඩිනා කිසි දිනක මැලි වූයේ නැත. එය තමා ලබා උපන් හැටි බව
සිතා ඇය කටයුතු කලා විය හැකිය .ඇය කඩිසර ය. ගෙදර දොරේ වැඩපල පවා ඇය ඉතා පිළිවෙලට
ඉටු කළා ය. තමන්ගේ වගකීම් හරියාකාරව ඉටු කිරීමට ද ඇය පසුබට නොවී ය .ඒ බව තම දෙමාපියන්
නිවසේ නැති මොහොතේ ඇය කටයුතු කරන ආකාරයෙන් මැනවින් දිස් විය. තමන්ගේ සහෝදරිය
බබානිස් නම් රැවටිලිකාරයාට හසු වූ වග දැනගත් පොඩිනා ඉතා සූක්ෂම ලෙස ඔහුට දඩුවම් කර තමන්ගේ නැගණියට දැනමුතුකම් ලබා දුන්නා
ය. පොඩිනා ඉවසීම නම් කාරණයේ දී ඉතා දුර්වල ය.
කාගෙත් ඇනුම් පදවලට යටත් නොවූ පොඩිනා සියල්ලට එරෙහි ව නැගී සිටි අපූරු
කාන්තාවකී.
සෑම මනුෂ්යයෙකුගේ
ම ජීවිතය කළු සුදු වශයෙන් වෙන් කොට දැක්විය හැකි ය. පොඩිනාගේ ජීවිතය ද එවැනි ය . පොඩිනාගේ
ජීවිතයේ ද හොද නරක ගතිගුණ දෙයාකාරයෙන් ම තිබුනී. පොඩිනා යනු කාමයට ගිජු වූ තැනැත්තියකී. ඇය දිනක්
තම මවට සහභාගී වීමට නොහැකී කොටහළු ගෙදරකට
සහභාගී වෙන්නේ ය. එහිදි ඇයට හමුවන අනගි හාමිට ඇය එදින ම පතිවත පුදන්නේ ය .එය විය
හැකි දෙයක් ද? ආශාවන් පාලනය කර ගැනීමට
නොහැකි විම හේතුවෙන් ඇයගේ පිවිතුරු බව ගල්තලාවක් මත අනගිට පුදන්නී ය. කාන්තාවක් වූ
කලී දුර දක්නා නුවණකින් කටයුතු කල යුතු ය .නමුත් පොඩිනා එසේ කටයුතු කරන්නේ නැත. ඇයට සිදු වූ ඛේදවාචකය තවත් කිසිම කාන්තාවකට අත් විදීමට නොවේවා. එම පාලනය කල නොහැකි හැගීම් හේතුවෙන් අවසානයේ ඇයට ඇගේ ජීවිතය පවා අහිමි වන්නේ ඉතා සාහසික
ලෙසයී.
එදා අම්මට අසනීපය
යන්න වුනේ
කොටහළුවකට මා හට
රදා කුලේ නිසා වද්දගන්නේ නෑ නවුරුත්
ගියා දුරක් පයින් ම ය
ගමන නිමා කොට පැමිණියේ
නැවතුමට
දුටුවා රුවක්
එයමයී මා පැතුවේ
සැම දින
මා එනතුරු මග
බලා සිටි ඒ අනගිට
දුටු ගමන්
ස්නේහයක් උපන්නා
මේ හද තුළ
පතාගෙන ආ
හිමිකරු මොහුම ද කියා
හද විමසයි කිතිකැවුමක් ඇතිව මෙදා
නැගගත්
බයිසිකලයේ ආ ගමන ගියා
අනගිගේ මායමට මා
හසුව ගියා
වැදි වැදි ඇගෙහි
ඔහුගේ උණුසුම දීලා
පැවසුවා මා හරී
ලස්සනය කියා
මුලා වූවා
එබස්වලටත් මා හරී මෝඩ නිසා
මම ද අනගි
හාමිගේ කුරුමානම නොසිතුනී එදා
පෙන්නා ගල්
තලාවක් ඇත ඈත කොනේ
මොණරු නටයි පිල්
විදහා යසට යසේ
බලලා එමු ද ටික
දුරයී එතනට ඇත්තේ
ලං වුනි ඒ රුව
ටික ටික උණුසුම දීලා
ඇග හිරි වැටුණා
මා හට නොදැනි ම එදා
සිදු වුනි
සියල්ල නොසිතූ සැනකින් ම
එදින ම දුටු
පිරිමි පරානෙට මගේ පතිවත පුදලා
නැගගත් ගල්
තලාවෙන් බැස ගත්තේ
ගැහැනියක වෙලා
රස
වූ සියල්ලයී මා හට නීරසයී කියා
පහස සෙවූ
ශරීරෙයී අද වේදනා වින්දේ
පතිවත එදා පිදූ
අනගිහාමි මෙදා
මා හට මරණය
දුන්නේ නොසීතූ විලසා
කෙල්ලෙනි
පරිස්සම් වෙයව් උඹලත්
මෙවන්
තිරිසනුන්ගෙන් සැමදා
පද නිර්මාණය- මුදිති මේනකා
දුශ්ට මිනිසා ඔහු නමින් මගේ තාත්තා දැනුම් තේරුම් ඇති කලක පටන් අපට හුඟක් ඈතින් ඉඳ අම්මත් අපිත් තනිකර ගියේ ඔබ තැන තැන මගේ අම්මා දුක් වි...
